Á fundi Skipulagsnefndar Rangárþings ytra í gær, 1. september, var lögð fram í fyrsta sinn lýsing á deiliskipulagstillögu skólasvæðisins á Hellu.
Tilgangur lýsingar er að:
- Tryggja að almenningur og hagsmunaaðilar komi að skipulagsferlinu á fyrstu stigum
- Stuðla að gagnsæi í öllu ferlinu og bæta upplýsingaöflun
- Gera skipulagsvinnuna markvissari
- Veita sveitarstjórnum og öðrum sem koma að skipulagsgerðinni betri yfirsýn
- Stuðla að auknum gæðum við gerð skipulags og umhverfismati þess
Lýsingin er kynnt opinberlega og almenningur fær þannig tækifæri til að koma ábendingum á framfæri við sveitarfélagið. Samtímis er leitað umsagnar Skipulagsstofnunar og annarra umsagnaraðila.
Fylgiskjöl:
- 20-089B-2.90.01 Deiliskipulagsuppdráttur_20220825.pdf
- 20-089B-2.90.2 Skýringaruppdráttur_20220825.pdf
- SKIPULAGSLÝSING Skóla og íþróttasvæði Hellu 20220826.pdf
Um deiliskipulag almennt:
Deiliskipulag nær til afmarkaðs svæðis sem myndar heildstæða einingu – hverfis, hverfishluta, götureits eða húsaþyrpingar. Þar eru sett ákvæði um byggingarheimildir og útfærslu bygginga og frágang umhverfis.
